Сириядағы қақтығыстар жалғасып жатыр (видео)

Оқ пен оттан көз ашпаған Сирияны «лаңкестерден азат болды» деп жарияға жар салынғанмен, мұндағы соғыс әлі жүріп жатыр. Бұл туралы Хабар 24 телеарнасы хабарлады.

Рейтер ақпарат агенттігінің хабарлауынша, үкімет әскері мен содырлар елдің шығысындағы Дэйр-эз-Зор провинциясында қақтығысты. Әзірге қаза тапқандар мен жараланғандар туралы дерек жоқ. Еске сала кетейік, апта басында билік жасағы қаскөйлерден Евфрат өзенінің батыс жағалауын азат еткен болатын. Осыдан кейін Ресей әскерилері Сириядағы «Ирак пен Левант» лаңкестік тобы күйреді деп мәлімдеген. Олардың болжамы бойынша, жан сақтау үшін шегініп қашқан лаңкестер Ирак, Түркия немесе Мысыр аумағына ойысуы мүмкін.