Сібірдегі апатта қаза тапқандардың екеуі еліміздің азаматтары (видео)

«Ямало-Ненецк автономдық округінде апатқа ұшыраған тікұшақта екі Қазақстан азаматы болған. Оңтүстік Қазақстан және Солтүстік Қазақстан облыстарында тұратын отандастарымыз «Спецстрой» компаниясында жұмыс істеген. Қаза тапқандардың аты-жөні белгілі. Бірақ оларды айта алмаймын», — деді ҚР СІМ баспасөз қызметінің жетекшісі Әнуар Жайнақов.

ҚР СІМ қаза тапқан азаматтардың денесін елге жеткізуге көмек көрсетеді.

«Біз қаза тапқан азаматтардың туыстарына хабарласып жатырмыз. Ресейдің Омск қаласындағы консулдығымызбен және Түмен облысындағы құрметті консулдығымызбен бірігіп, оларға тиісті көмек береміз. Олардың денесі нақты қашан елге жеткізілетіндігі белгісіз. Бүгінде Ресейдегі мәйітханада. Кейінірек толығырақ ақпарат береміз», — деді баспасөз хатшысы.

Айта кетейік, «ВКонтакте» әлеуметтік желісіндегі «Уренгой FOREVER» тобында Ресейдің Ямало-Нененцк автономды округіндегі әуе апатынан қаза тапқан 19 азаматтың аты-жөні жарияланған:

Антонов Борис Иванович, Веремьев Алексей Александрович, Токарев Николай Владимирович, Салов Владимир Викторович, Пайков Виктор Евгеньевич, Яковенко Александр Николаевич, Акзямов Ильдар Иргашевич, Овсянников Юрий Владимирович, Верзилов Дмитрий Леонидович, Афонин Андрей Викторович, Уваров Владимир Михайлович, Кошелев Борис Петрович, Семеновых Николай Никандрович, Веденкин, Стариков Александр Петрович, Бахтин Николай Александрович, Луконцов Александр Алексеевич, Александр Иванович, Светличный Валерий Викторович, Рыбьяков Александр Степанович.

baq.kz