Шымкентте заңсыз ойын бизнесін ұйымдастырған адам сотталды

Қаржылық мониторинг агенттігінің Шымкент қаласы бойынша департаменті шұғыл іс-шара барысында қала аумағында заңсыз ойын бизнесін ұйымдастыру фактісін анықтады, деп хабарлайды Zakon.kz.

ҚР ҚМА баспасөз қызметі:

Іс-шара аясында жүйелік блоктар, мониторлар, ноутбук, ойын терминалдары, рулетка ойын аппараты, чек шығаратын құрылғы және басқа да техника құралдары анықталып, тәркіленді.

Ведомство өкілдерінің мәлімдеуінше, сс сотқа жолданып, заңсыз ойын бизнесін ұйымдастырған азамат кінәлі деп танылды. Оған 1 жыл бас бостандығынан шектеу жазасы тағайындалды.

«Ойын бизнесі туралы» Заңға сәйкес, Казино мен ойын автомат залдары Алматы облысында Қапшағай су қоймасының жағалауында және Ақмола облысының Щучье ауданында жергілікті атқарушы органдар айқындайтын аумақтар шегінде орналастырылу керек.