Шымкентте төсекке таңылған бес баланың анасы көпшіліктен көмек сұрап, жанайқайын жеткізді

Шымкент қаласы Төлеби ауданы Шахта-Тоғыс ауылында тұратын 49 жастағы Равшаной Сапаеваның бел омыртқасын зақымдап қимылсыз жатқанына төрт жыл болған. Бес баланың анасы қазір қайырымды жандардың көмегіне зәру деп хабарлайды «ТВК» арнасына сілтеме жасап nur.kz.

Отағасының тапқан- таянғаны дәрі-дәрмектен артылмағандықтан, мектеп жасындағы қыздары жаңа оқу жылына дайын емес. Амалы таусылған жанұя жанашыр жандарға алақан жаюға мәжбүр.

Жанұяға қайырымды жандар бірде азық-түлік, бірде киім-кешек алып беріп, қолдарынан келгенше көмектесуде. Жақында ғана отбасына мектепке қажет құрал-жабдықтар әкеліп берген қолы ашық азаматтар отбасындағы кішкентай балаларды қуанышқа бөледі.