Танымалдылығын пайдаланды: Шымкентте мұғалімнен ірі көлемде ақша бопсалаған блогер ұсталды (Видео)

Қаладағы мектептердің бірінің өкілінің арызы бойынша полиция департаментінің қызметкерлерімен ірі көлемде ақша бопсалаған күдікті азамат С. ұсталды. Бұл туралы Шымкент қаласының полиция департаменті хабарлады. 

Алдын ала мәліметтерге сәйкес, күдікті өзінің медиа танымалдылығын пайдаланып, жағымсыз ақпаратты жариялаймын деп қорқытып, 1,2 миллион теңге талап еткен.

Аталған жайт бойынша қылмыстық іс қозғалды. Қажетті тергеу амалдары жүргізілуде. Күдікті уақытша ұстау изоляторына қамалды.

Полиция ескертеді: қандай да бір қысым көрсету, қорқыту және бопсалау әрекеттері қылмыстық жауапкершілікке әкеп соғады. Азаматтарды мұндай жағдайда бірден құқық қорғау органдарына жүгінуге шақырамыз.

 

Посмотреть эту публикацию в Instagram

 

Публикация от Шымкент Қаласының Полиция Департаменті (@police_shymkent)