Шымкент-Ташкент: Достық жолындағы веломарафон

Бүгін “Шымкент-Ташкент 2025” веломарафоны өтті. Шымкент әкімінің орынбасары Сәрсен Құранбек бұл айтулы шара – бауырлас елдер арасындағы достық пен ынтымақтастықты нығайтудың жарқын көрінісі екенін атап көрсетті. Сәрсен Құранбек: «Мемлекет басшысы Қасым-Жомарт Кемелұлы Тоқаев елімізде бұқаралық спортты дамытуға айрықша мән беріп отыр. Мемлекет тарапынан әрбір азаматтың спортпен айналысуына барлық жағдай жасалуда. Қаламызда Орталық стадион мен Дендросаябақты байланыстыратын велосипед жолы мен жүгіру жолағы салынды. Веломарафон өткізу де дәстүрге айналды. Осылайша, Шымкент қаласы еліміздің велоспорт орталығына айналып келеді», — деді.
Веломарафонға 150-ге жуық велошабандоз қатысты. Олар 100 шақырымнан астам қашықтықты еңсерді.

«Бұл бастама – өңірлік серіктестікті арттырып қана қоймай, салауатты өмір салтын насихаттауға бағытталған маңызды қадам.
Веломарафонның сәтті өтуіне атсалысқан барлық азаматқа алғыс айтамыз!» — деді Сәрсен Құранбек.
JQ-Aqparat
Сурет: Шымкент әкімдігі