Шымкент: Еңбек биржасы жұмыссыз қалдырмайды

20 сәуiр, 23:28

Мемлекет басшысы Қасым-Жомарт Тоқаев өзінің Қазақстан халқына арнаған «Сындарлы қоғамдық диалог – Қазақстанның тұрақтылығы мен өркендеуінің негізі» атты Жолдауында еліміздегі еңбек ресурстарының балансын есепке алудың тиімді әдістемесін әзірлеуді, сондай-ақ еңбек ресурстарының тапшылығы бар өңірлерде шаралар қабылдауды тапсырған болатын. Бұл шаралар еңбек нарығын цифрландыру, жұмыспен қамту орталықтарын реформалау, сондай-ақ еңбек биржасын қамтиды.
Еңбек адамының қоғамда қашанда сыйлы, абыройы биік. Халқы еңбекқор ел ырысқа кенеліп, өзгелермен терезесі теңеліп, бәсекеге қабілетті мемлекет болып қалыптасады. Елімізде жүргізіліп отырған еңбек саясаты осы бұлжымас қағидаға сүйенеді.
Шымкентте жұмыспен қамту мәселесін айтқанда, қаладағы еңбек биржасы ойға оралады. Шымкент қаласы әлеуметтік қолдау орталығының мәліметінше, «екі қолға бір күрек» іздегендер еңбек биржасына жүгіне алады. Сондай жұмыс іздеген жанның бірі Бузейнеп Салманова дәл осы мекемеге келіп жұмыс тапты.
Жастайынан еңбек етіп үйренген Бузейнап өмірдегі бар қиындықты маңдай терімен еңсеріп келеді. Мүгедектігіне қарамастан жұмыстан қашқан емес. Бүгінде ол — Қаратау ауданы әкімдігі жанындағы коммуналдық мемлекеттік мекемеде қарапайым қызметті ынта-шынтасымен атқаратын қызметкер.
«Он жасымнан бастап еңбекке араластым. Жастайымнан бір көзім онша көрмесе де, дені сау адамдардан қалып қоймауға тырыстым. «Мүмкіндігім шектеулі» деп өзіме шектеу қойғым келмейді. Жұмысқа келгенде барымды саламын.

Осы коммуналдық салада жұмыс істеп келе жатқаныма 40 жылдан асты. Көше сыпырғаныма, қоқыс жинағаныма еш арланбаймын. Адал еңбектің ұяты жоқ» , — дейді ол.
Бузейнеп Салманова бүгінде 58 жаста. Төрт перзентті тәрбиелеп өсірген ол зейнет жасына жеткенше осы мекемеде жұмыс істесем деген ойда.
«Ең алдымен үнемі жұмысқа жолдап отырған Қаратау аудандық мансап орталығына алғыс айтамын. Осы уақытқа дейін жұмыс істеп жүрген мекемелер белгілі бір себеппен ісін тоқтатып, өзіміз бос қалған сәтте, жұмыспен қамту мекемелері бізді үнемі басқа орындарға жібереді. Осы уақытқа дейін жұмыссыз қалған емеспін. «Жұмыс істеймін» деген адамға әрқашан жұмыс табылады. Ең бастысы – «мүгедекпін», «мен мұндай жұмысты істемеймін» деп өзін шектеп, табылған жұмыстан бас тартпау керек», — дейді Бузейнап Салманова.
Айта кеткен жөн, Шымкент қаласында Еңбек мобильділігі орталығы тарапынан 1368 мүгедектігі бар азаматты жұмыспен қамту шараларына қатыстыру жоспарланып, бүгінге дейін орындалғаны- 421 адам жұмысқа орналасты. Бұл үшін жұмыс берушілерге арнайы квота бекітіледі. Сөйтіп мекемелерде жұмыс орнына қарай 2 — 4 пайыз мөлшері аралығында мүгедектігі бар азаматтарды жұмыспен қамтуы тиіс.

Әлима Әлмерек,

Сурет: Шымкент қаласы әлеуметтік қолдау орталығы

24 мамыр, 14:41
Түркістан: Келес ауданында тұрмыстық зорлық-зомбылықтың алдын алу жұмыстары жүріп жатыр
23 мамыр, 15:27
Түркістандағы тәртіп сақшылары қауіпсіздікті қамтамасыз етіп, заңды да түсіндіреді
23 мамыр, 15:01
Түркістан: Бала қауіпсіздігін қамтамасыз ету – басты міндет
23 мамыр, 13:55
Түркістан: Ордабасы ауданында профилактикалық шаралар күшейтілді
23 мамыр, 12:35
Теріс пиғылды діни ағымды тек идеологиямен жеңу керек
23 мамыр, 10:55
Түркістан: Кентауда профилактикалық шаралар жалғасуда
22 мамыр, 15:44
Түркістан: Арыс ауданында «Жасөспірім және жауапкершілік» іс- шарасы өтуде
22 мамыр, 15:29
Түркістан: Полиция 180 қылмыстың ізін суытпай ашты
22 мамыр, 12:02
Түркістан: Шардара ауданында «БОРЫШКЕР» жедел профилактикалық іс-шарасы өтуде