Шығыста қар жауады: 30 қыркүйекке арналған ауа райы болжамы

«Қазгидромет» РМК мамандарының болжауынша, 30 қыркүйек күні еліміз бойынша тұман түсіп, жел күшейеді, оңтүстік-батыста, оңтүстікте шаңды дауыл, шығыста көктайғақ болады, деп хабарлайды Zakon.kz.

Синоптиктердің болжамынша, солтүстік антициклонның әсерінен елдің солтүстігінде, оңтүстігінде жауын-шашынсыз ауа-райы күтіледі.

«Қазгидромет» РМК:

Атмосфералық фронттардың әсерінен ҚР батысында жаңбыр, солтүстік-батысында және оңтүстік-шығысында жауын-шашын (жаңбыр, қар), шығысында қар жауады. Республика бойынша тұман түсіп, жел күшейеді, оңтүстік-батыста, оңтүстікте шаңды дауыл, шығыста көктайғақ болады.

Жамбыл, Түркістан, Қызылорда облыстарының басым бөлігінде төтенше өрт қаупі сақталады.

Астана қаласы: көшпелі бұлтты, жауын-шашынсыз. Солтүстік- шығыстан жел соғады, түнде күші 2-7, күндіз 5-10 м/с болады. Ауаның температурасы түнде -6…-8°С, күндіз +3…+5°С болады.

Алматы қаласы: көшпелі бұлтты, жауын-шашынсыз. Ауаның температурасы түнде +8…+10°С, күндіз +15…+17°С болады.

Шымкент қаласы: көшпелі бұлтты, жауын-шашынсыз. Шығыстан жел соғады, күші 8-13 м/с болады. Ауаның температурасы түнде +8…+10°С, күндіз +23…+25°С болады.