Швецияда тығылған жалған ақша саудагері елімізге қайтарылды (Видео)

22 наурыз 2023, 13:13

Шетелдік жалған ақшаны айырбастап, қылмысы әшкере болғанда шетелге қашқан күдікті жауапкершіліктен құтыла алмады.

Қазақстан Бас прокуратурасының баспасөз қызметі хабарлағандай, халықаралық іздеу жарияланған күдікті әйел Швециядан елімізге жеткізілді. Б. есімді азаматша 2019 жылдың соңы мен 2020 жылдың басында жалған еуро сатумен айналысқан қылмыстық топтың құрамында болды деген күдікке ілінген болатын. Бұл істе еліміздегі банктердің бірінің қатысы болғаны анықталды. Сыбайластары түрлі мерзімге сотталып жатқанда, әлгі әйел қыр асып кеткен еді.

Күдікті әйел қазір Астана қаласындағы тергеу қапасында.