Шерзатты ұрдым, тептім. Нұрқанатқа пышақ сұқтым: Сотта Абзал Шынасыл жауап берді (Видео)

21 мамыр, 11:08

Сотталушы Абзал Шынасыл. Соттан кадр.

21 мамырда өткен сот отырысында басты айыпталушы Абзал Шынасылдан жауап алу басталды. Оның айтуынша, сол күні ол достарымен бірге мейрамханада жиналған, деп хабарлайды jasqazaq.kz.

«Мейрамаханаға кірдік. Сол жерде Талғат Әшірбаев деген танысымды көрдім. Ол мені Менделеев көшесіне апарып тастайтын болды. Дүкенді таппай келе жаттым, сосын бір топ адамдардың төбелесіп жатқанын байқадым. Сол жерден түсіп қалдым. Арасына кіріп кеткен сәтте, ұзын киген сақалды жігіт, Нұрқанат Ғайымпбаев маған қарай жүгірді. Сол кезде бір рет ұрдым. Ол сол кезде жүгіріп кетіп, мылтығын алып шықты. Сол кезде бізге келіп аспанға атты», — дейді күдікті.

Күдіктінің айтуынша, ол атқан кезде бір орнында тұрып қалған.

Сол кезде сөйлесейік дедім, ол атам деді. Ол атып жіберді, оқ сол құлақтан өткенін сездім. Кейін ол Руставели көшесіне қарай кетті. Мен артынан бардым. Сол жерде оның қасындағы Шерзат Полат құлап түсті. Шалынып құлаған шығар деп ойладым, неден құлағанын білмедім. «Жедел жәрдем шақыр» дегенде, мен оны бір тептім және ұрдым. Артымнан бір жігіт келді — ол Дархан Әскентай екен. Оны танымай қалған соң екі рет ұрып жібердім», – дейді ол.

Кейін күдікті Нұрқанат Ғайыпбаевтың артынан барып, пышақпен 1-2 см ұстап, оның жамбасына үш рет пышақпен сұғып алған.