«Шерзатты мойныма алам дедім»: Изоляторға бара жатқан күдіктілер Газельдің ішінде не туралы ақылдасқаны айтылды

Сотталушы Абзал Шынасыл. Соттан кадр.

Бүгін Талдықорғанда Шерзат Болаттың өліміне қатысты сот отырысы өтіп жатыр. Сотқа дейінгі тергеу кезінде Шерзатқа пышақ сұққанын мойындаған Абзал Шынасыл бұрынғы сөзінен тайқып шықты, деп хабарлайды jasqazaq.kz.

«Бізді Қонаев қаласына этаппен алып кететін болды. Газельді ішінде Сакиев Равиль, Елғодаев Шыңғыс, Тоқтаубаев Азамат төртеуміз болдық. Сол кезде сөйлестік. Равиль Сакиев «бір адам мойындасын, әйтпесе, бәрімізге қиын болады» деді. Менде пышақ болғаннан кейін, қылмыс жасап жасырған болғандай болмайын деп іштей ойландым, алсам, мен (мойныма — ред.) ала салайын. Сол Қонаевқа келген соң ИВС-та бәріміз жиналып қалдық. Сол кезде Абзал Тоқтаубаев маған: «сенде пышақ болды ғой» деді. Сол кезде мен көп ойланған жоқпын. Шерзатты мойныма алам дедім. Бірақ Нұрғанаттың жамбасына тыққан пышақты Шыңғыс мойнына алатын болды деп келістік», — деген айыпталушы көп ойланғанын, Шерзатқа емес, Ғайыпбаев Нұрқанатқа пышақ салғанын айтты.

JQ-Aqparat