Шерзат ісі: Прокурор сотталушыларға ең жоғары жаза тағайындауды ұсынды

Шерзат Болаттың сот отырысында прокурор Дана Сәрсенбай сотталушылардың бас бостандығынан айырудың ең жоғары жазасын тағайындау қажет екенін мәлімдеді, деп хабарлайды jasqazaq.kz

«Бала ананың ақ сүтімен, әкенің адал ниетімен өмірге келеді деген. Ата-ананың алдында өмірді үзу  — бұл тек қылмыс емес, ар-намысөа шабуыл. Сотталушылар бұл әркетті аса қатігездікпен жасаған. Бас бостандығынан айырудың ең жоғары жазасын тағайындау қажет деп санаймыз», — деді прокурор.

Прокурор Шерзатты өлтіру ісі бойынша айыпталғандарға мынадай үкім шығаруды сұрады:

Абзал Шынасыл — 23 жылға бас бостандығынан айыру.

Сакиев Равиль — 20 жылға бас бостандығынан айыру.

Азамат Тоқтаубаев — 15 жылға бас бостандығынан айыру.

Ілия Нұрқияс — 9 жылға бас бостандығынан айыру.

Әскентай, Дархан Белғожаев Шыңғыс, Тоқтаубаев Нұрбол, Калиахмет Дидар —  7 жылға бас бостандығынан айыру.

Кәмелетке толмаған Ысқақ Думан — 1,5 жыл.