Атырауда өткен халықаралық этнофестиваль аясында, «Шекаралас аймақтағы этномәдени ынтымақтастық. Мәселелері мен келешегі» тақырыбымен «дөңгелек үстел» ұйымдастырылды.
Көршілес елдер халықтары мен конфессиялар арасындағы өзара келісім, мемлекетаралық тұрақтылық мәселелері талқыланған жиынға Атырау облысы әкімінің орынбасары Әлібек Нәутиев қатысып, тұрақтылық пен тепе-теңдікті сақтап қалудың маңызы жөніндегі ойларымен бөлісті.
«Әр халықтың, ұлт пен ұлыстың өзіне ғана тән тамаша, қайталанбас мәдениеті, қалыптасқан тарихы, салт-дәстүрі бар. Осындай ерекшеліктері олардың ұлттық құндылықтарымен алмасып, бірін-бірі байытып, жетістіктерімен ортақтасып, тұтастай қоғамның игілігі жолындағы жасампаз істерді бірлесіп атқаруына септеседі. Бүгінгідей алмағайып заманда ғасырлардан ғасырларға жалғасқан достығымыздың алтын тіні үзілмеуі тиіс» деп атап өтті спикер.
Jasqazaq.kz
WhatsApp: +7 705 717 9113
