Шавкат Рахмоновтың әйелі 5 жылға сотталды

Жамбыл облысында cот Шавкат Рахмонов жұбайы Гүлайым Рахмоноваға үкім шығарды. Оған адам өліміне әкелген жол-көлік оқиғасы үшін 5 жыл жаза тағайындалды. Сондай-ақ 7 жыл мерзімге дейін көлік басқару құқығынан айырылды, деп хабарлайды jasqazaq.kz.

Кәмелетке толмаған баласының болуына байланысты жаза өтеу 5 жылға кейінге қалдырылды. Рахмонова сотта өз кінәсін мойындаған жоқ.

Еске салайық, 2025 жылдың жазында Алматы – Екатеринбург тасжолында Toyota Land Cruiser 200 көлігінің жүргізушісі рөлге ие бола алмай қалған. Көлік салонында төрт адам болған: екеуі қаза тауып, Рахмоновтың жұбайы мен бала жарақат алып, ауруханаға жеткізілген.