Шамалы қылқындырдым: Полиция қызға шабуыл жасаған ер адамнан жауап алу видеосын көрсетті

23 мамыр 2025, 15:08

Сурет: Видеодан кадр

Сәтбаев қаласында қызға шабуыл жасағаны үшін ұсталған ер адам жасаған ісін мойындады. Полиция қызға шабуыл жасаған ер адамнан жауап алу видеосын көрсетті, деп хабарлайды jasqazaq.kz Ұлытау ПД баспасөз қызметіне сілтеме жасап.

Күдіктінің зардап шегушімен бетпе-бет кездесулері өткізілді. Қазіргі уақытта қызға шабуыл жасағаны үшін ұсталған ер адам мойындау көрсетілімдерін беруде.

Жазбада ол қызбен таныс емес екенін айтады. Оның айтуынша, ол оны көшеде байқап, артынан үйге кеткен, «шамалы қылқындырдым» дейді.

Естеріңізге сала кетейік, қала тұрғынына жасалған шабуыл фактісі бойынша полиция күдіктінің ізін суытпай ұстап, уақытша ұстау изоляторына қамауға алған.

Қазақстан Республикасы Қылмыстық кодексінің 24-бабының 3-тармағы (қылмысқа оқталу) және 120-бабының 1-тармағы (зорлау) бойынша қылмыстық іс қозғалды.

Сотқа дейінгі тергеу барысында болған оқиғаның мән-жайларын анықтауға, дәлелдерді жинау мен тіркеуге, тұрғындардан сұрастыруға бағытталған барлық қажетті тергеу әрекеттері жүргізілуде. Тергеу жалғасуда.