Сенатта ТүркПА байқаушыларымен кездесу өтті

17 наурыз, 18:52

Сенатта ТүркПА байқаушыларымен кездесу өтті ҚР Парламенті Мәжілісі мен мәслихаттарына сайлау мәресіне санаулы күндер, тіпті санаулы сағаттар қалды. Бұл сайлаудың мән-маңыздылығы, ерекшелік пен артықшылығы айтылып жатыр. Сайлауды бақылауға жалпы саны 700 байқаушы тіркелген екен. Олардың арасында шет мемлекеттердің өкілдері және халықаралық беделді ұйымның арнайы делегациялары да бар. Сондай делегациялар қатарында ТүркПА миссиясы байқаушыларымен бүгін Сенат қабырғасында кездесу өтті.

Ел Президентінің тура бір жыл бұрынғы жолдауында Мәжіліс пен мәслихаттардың сайлауы осы жылдың алғашқы жартысында өтетіндігі жарияланған еді. Содан бері тура жарты жыл өтті.

Сенатта ТүркПА байқаушыларымен кездесу өтті

Бұл аралық — сайлауға түсетін кандидаттар мен саяси партияларға дайындық жұмыстарын жүйелі түрде жүргізуге берілген үлкен мүмкіндік.

Конституциялық реформа аясында саяси партияларды тіркеуде жеңілдетілді. Соның әсерінен жаңа саяси партиялар құрылды. Бұл – жаңа саяси кезеңдегі азаматтық қоғамның дамуына ықпал ететіндігі сөзсіз.
Осыған орай, бүгін бірқатар Сенат депутаттарының қатысуымен, ТүркПА миссиясының байқаушыларымен кездесу өткен болатын. Кездесуге Әлеуметтік – мәдени даму және ғылым комитетінің төрағасы Нұртөре Жүсіп, сенаторлар Бибігүл Жексенбай, Руслан Рүстемов және Нұрлан Бекенов қатысты.

Кездесу барысында, ТүркПА миссиясының байқаушылары Ел Президентінің бастамасымен жүзеге асырылып жатқан реформаларға тоқталып өттік.

«Парламент Мәжілісі мен мәслихаттарға сайлау жаңа аралас жүйе бойынша өтеді. Мәжіліс депутаттарының 70%-ы пропорционалды, ал 30%-ы мажоритарлық жүйе бойынша жасақталады. Яғни, партиялар 69 орынға, ал бір мандаттылар 29 орынға таласады. Бұл әртүрлі әлеуметтік топтар мен саяси партиялардың мүшелерін сайлауға мүмкіндік береді және Парламенттің өкілдік қызметін қамтамасыз етеді. Мәжіліс депутаттарын сайлау ауқымды ішкі саяси өзгерістер аясында өтетінін айта кету керек», — деді Нұртөре Жүсіп.

Сенатта ТүркПА байқаушыларымен кездесу өтті

Кездесуге Түркітілдес елдердің Парламенттік Ассамблеясынан Түркияның Ұлы Ұлттық жиналысының депутаттары Режеп Шекер, Шенель Йедийлдыз және Юксел Өзқан, Әзербайжан Республикасы Милли Мәжілісінің депутаты Хикмет Маммадов, ТүркПА Бас хатшысы Мехмет Сурея Эр қатысты.

JQ-Aqparat

18 наурыз, 17:54
Батыс банктерінен бақ тайды ма?
15 наурыз, 18:20
Жезөкшелерді жарнамалаған Kyzdar.net сайтының қожайындары тұтқындалды (Видео)
10 наурыз, 17:41
Бізге қандай депутат керек?
09 наурыз, 16:26
Элиталы топқа өтті
03 наурыз, 17:21
Бейкерден Блинкенге дейін
03 наурыз, 16:42
Абыройлы тұлға
23 ақпан, 16:27
Несиені оңды-солды беруді тоқтату керек
23 ақпан, 15:46
Байланыс операторының «тәбетін» тежеу керек