Сейілда Байшақов-Қазақстан футбол федерациясының жаңа президенті

«Қайрат» пен КСРО құрамасының бұрынғы қорғаушысы Сейілда Байшақов ҚФФ кезектен тыс XIV конференциясында Қазақстан футбол федерациясының жаңа президенті болып тағайындалды.

tengrinews.kz хабарлағандай, Сейілда Байшақовтың кандидатурасын футбол федерациясының өңірлердегі мүшелері ұсынған. Кейінірек Байшақовтың Қазақстан футбол федерациясының президенті қызметіне жалғыз үміткер екені анықталған.

Сейілда Байшақовтың кандидатурысын бірауыздан қолдаған. Ол 2020 жылдың 28 қарашасына дейін Қазақстан футбол федерациясының президенті болып тағайындалды.

Ал федерацияның бұрынғы президенті Ерлан Кожағапанов биыл 28 қазанда отставкаға кеткен болатын.

Сондай-ақ, Қазақстан футбол федерациясының қазіргі уақыттағы Атқарушык комитетінің де отставкаға кеткені айтылады. Енді комитеттегі мүшелердің саны 25-тен 13 адамға қысқарады.