Саясаттанушы USAID жұмысы дәстүрлі құндылықтарды жоюға бағытталғанын айтты

Америкалық кәсіподақтар Трамп әкімшілігін USAID ұйымын жапқаны үшін сотқа берді. Өткенде АҚШ президенті Дональд Трамп бұл ұйымды жемқорлықпен айналысты деп айыптап, оның бүкіл әлем бойынша жұмысын тоқтатқан еді. Ал атақты миллиардер Илон Маск оны «қылмыстық ұйым» деп атап, тіпті оны Ковид-19-ды дайындауды қаржыландыруды жүргізді деп кінәлады.

Саясаттанушы Талғат Қалиев Еуразия Бірінші арнасының тілшісіне берген сұхбатында ұйымның соңғы жылдары қандай да бір дәрежеде теріс бағытта әрекет етіп келе жатқандығын атап өтті. Саясаттанушының айтуынша, кейде олар дәстүрлі құндылықтарды жоққа шығарып, ел арасында қайшылықтар туғызып отырды.

Сондай-ақ бүгінгі, 12 ақпандағы Мәжілістің жалпы отырысында депутаттар осы мәселені талқыға салған болатын. Отырыста депутат Ирина Смирнова осыған байланысты елімізде «шетелдік агенттер туралы заң» енгізуді ұсынды.