«Саяхатқа апарып тастайық»: жасөспірім қызға ұсыныс жасаған полиция қызметкерлері жұмыстан қуылды (Видео)

28 сәуiр 2025, 15:04

Видеодан скрин: Instagram/@nureke_altynbekovih

Алматы облысы ювеналдық полициясының қызметкерлері көшеде профилактикалық жұмыс жүргізгенде жасөспірім қызға керек жеріне «апарып тастайық» деп ұсыныс жасаған, деп хабарлайды jasqazaq.kz.

Бұл оқиға туралы Іле ауданы мәслихатының Нұрлан Байғазиев дабыл қақты. Ол полиция көлігі жанында жасөспірім қыздың тұрғанын көріп, мән-жайды білмекші болған. Полициямен, сондай-ақ қызбен әңгіменің бәрін бейнежазбаға түсіріп алған.
Облыстық полиция департаментінің баспасөз қызметі осы дерекке қатысты қызмет тексерісі жүргізілгенін хабарлады: «Полиция қызметкерлерінің кәсіби жұмысын тексеру кезінде этикалық норманың бұзылуына жол берілгені анықталды. Тексеруден кейін қызметкерлердің біреуі ішкі істер органдарынан шығарылды. Екіншісі атқарып отырған қызметінен босатылды. Олардың басшылары да тәртіптік жауапкершілікке тартылды».