Сарбаздың мерт болуына рота командирінің салғырттығы себеп

Биылғы 27 қаңтарда сарбаз Е.Рүстемұлының қаза болу себептерінің бірі болған Гвардейск гарнизонындағы әскери бөлім рота командирінің қызметке салғырт қарауы бойынша қылмыстық істі тергеу аяқталды, деп хабарлайды jasqazaq.kz. 
Бас әскери прокуратураның мәліметінше, тергеу кезінде лауазымды тұлғаның жеке құрамның қызметін және әскери қызметшілердің қаруды қолдануын бақыламағаны, сонымен қатар қаза болған сарбаздың қызметтестеріне қатысты билік өкілеттігін асыра пайдаланғаны анықталды.  
Қысқа мерзім ішінде қажетті дәлелдер жиналып, қылмыстық іс сотқа қарау үшін жолданды.
Сарбаздың өліміне қатысты басқа да мән-жайларды тергеу іс-шаралары жалғасып жатыр, тергеу барысы Бас әскери прокуратураның ерекше бақылауында.

JQ-Aqparat

Сурет: nur.kz, Владимир Третьяков