Сәкен Майғазиев тұңғыш рет Алатаудың бөктерінде жеке ән кешін бермекші. Қазіргі таңда әнші концертке қызу дайындық үстінде. Stan.kz. хабарлағандай, Алматы халқы Майғазиевтің ән кешін асыға күтті.
Дәл осы себепті оңтүстік астана тұрғындары таласып-тармасып, концерт билеттерін бірнеше күнде жоқ қылды. Көптің сұрауы бойынша, Майғазиев екінші концерт ұйымдастыратынын хабарлады. Қуанышты хабарға орай “Музарттың” серісі арнайы видео-шақырту түсіріп, инста-парақшасында жариялады.
Бейнежазбада Майғазиев бір топ қыздардың құрығына түсіп, олардың бірімен вальс билейді. Ретро стильде ән шырқап, концертке шақырады. Айтпақшы 3000-ға жуық билеттің бірнеше күнде сатылып кеткенін ескере отырып, екінші концерттен қапы қалып кетпеулеріңізді ескертеміз!