Сәкен Майғазиев онлайн тойға ақша жинаса, салық төлеуіне тура келеді

10 маусым, 14:36

Әнші Сәкен Майғазиев ұлының тойын онлайн көрсету үшін ақша жинайтынын айтып, сынға қалғанын жазған болатынбыз. Жиналған ақшадан ол салық төлеуі керек пе?

Мемлекеттік кіріс комитеті Tengrinews.kz тарапынан қойылған сауалға былай деп жауап берген:

«Қарастырылып отырған жағдайда онлайн іс-шараға (онлайн тойға) қатыстыру үшін 1 380 теңге алу – табыс табуға бағытталған кәсіпкерлік қызмет. Егер іс-шараны ұйымдастырушы жеке кәсіпкер немесе заңды тұлға ретінде тіркелген болса, ол алған кірісін декларациялауға және табыс салығын төлеуге міндетті».

Демек шағын бизнес үшін арнайы салық режимі қолданылса, кірістің 3 пайызын төлеу керек. Қарапайым жеке кәсіпкер үшін – 10 пайыз, ал заңды тұлғалар үшін – 20 пайыз.