jasqazaq.kz

Сәбиі перзентханада шетінеген әке дәрігерлерді кінәлайды

20 қазан 2016, 21:20

bala

Алматы облысында сәбиі перзентханада шетінеген әке дәрігерлерді жағадан алды

Айтуынша, әйелі ақ халаттылардың кесірінен айынан ерте босанып қойған. 7 айлық боп өмірге келген шақалақтың бастапқыда денсаулығы да жақсы болғанымен, арада жеті күн өтпей шетінеп кетіпті. Сәбиі өліп қайғырған жалғыз бұл отбасы емес екен. Қаскелең ауруханасында өлген басқа да балалардың әкелері оқиғаның қайталанғанын естіп, бүгін айқайға басты. Күні кеше ғана әке атанған Фархат сәбиін әлі иіскеп те үлгермепті. Айтуынша, аяғы ауыр келіншегі дәрігерлердің берген дәрісінен соң  ауруханаға түскен. Жағдайы ауырлаған әйелді ақ халаттылар бірден босандырып алыпты.

Фархат Тұрымбетов, Қаскелең кентінің тұрғыны:

-Акушер Рифат келіншегімнің де, баланың да жағдайы тәуір деген. 20 мың теңге ақша сұрады бердім.  

Бірақ жағдайы жақсы делінген жеті айлық бала жеті күн өтпей шетінепті. Ал ақ халаттылар қаралы хабарды жеткізгеннен басқа мардымды жауап бере алмаған.

-Мынау 3 күннен кейінгі жағдай. Бала, сап-сау. Тамақ ішіп жатыр деген.

Аурухана басшылығы бүгін де өздеріне шаң жуытқан жоқ. Керісінше,сәбиінің өлімінің себебін білгісі келген әкені тыңдағылары да келмей, күзет шақыртып, науқастардың ызасын тудырды.

Сөйтсе, бұл перзентханадан жылап шыққан жалғыз бұл отбасы емес екен. Ерқуан Егізбаев та осы жерден баласыз кеткен. Оның сәбиін ақ халаттылар шатастырып туберкулезден емдеген екен. Кейін сот сараптамасы баланың тіпті сау болғанын айтыпты.

Ерқуан Егізбаев, Қаскелен кентінің тұрғыны:

Туберкулез деді,  тексертсек туберкулез емес, бауыры езіліп кеткен дәріден, ауыр дәрілерден. Жазасын беру керек, дәрігерлердің. Бәрін тексерту керек.

Ал жеті айлық баласынан айырылып қалған ана енді бұл перзентханаға жоламаспын деп отыр.

Света Майлыбаева, Қаскелен кентінің тұрғыны:

-Баламды алып қуанышпен шығарам деп едім. Жылап шықтық.  Осы кезге дейін қанша бала  7 айлық болып туылды, бірақ жағдайы жақсы болып шығатын.

Тұңғышын бесікке емес, қара жер қойнауына тапсыруға мәжбүр әке енді сотқа жүгініп, Денсаулық министріне де шағымданбақшы.

ktk.kz

 

20 тамыз, 14:59
Түркістанда балалардың психологиялық саулығы басты назарда
20 тамыз, 13:45
Шымкентте «QH үй жағдайында мүгедектігі бар балаларды оңалту» жобасы жүзеге асырылуда
19 тамыз, 12:15
InEco Fest 2025: Алматыда экология, инклюзия және қала мәдениетін біріктірген фестиваль өтті
19 тамыз, 11:59
Музыка – жасөспірім жанының айнасы
18 тамыз, 14:54
Заманауи аппараттардан – жақсы нәтиже
16 тамыз, 12:34
Шымкент: Жарты жылда 1181 ерекше бала оңалтудан өтті
15 тамыз, 12:19
Биғайша Нұрғазинова: Ерекше балалар қоғамға кірігуі тиіс
10 тамыз, 21:15
Түркістан: Абайдың сөзі – рухани құндылықтың алтын қазынасы
09 тамыз, 15:04
Бахадыр Мәдәліұлы: Мүгедектігі бар азаматтарға қолдау көрсету – мәслихат пен партияның ортақ міндеті