Ұры қыздардың айласы аспады (фото)

Бішкек қаласында үйлерді тонаған қыздар құрықталды. Бұл туралы қалалық ішкі істер департаменті хабарлады. 3 сәуір күні Октябрь аудандық ішкі істер басқармасына үш бірдей теледидары жоғалған тұрғыннан шағым түседі. Шығын көлемі 140 мың сом.

Сонымен қатар 8 сәір күні тағы да осы ауданның тұрғындарынан теледидар, тоңазытқыш, электр пеші ұрланғаны жөнінде арыз түседі. Жедел іздестіру шарасы аясында күдіктілер құрықталды. Олар Тоқтағұл ауданының 1984 пен 1990 жылғы азаматшалары екен. Тергеу барысында анықталғандай, күдіктілер алдымен жалға пәтер сұрайды екен. Екі-үш күннен кейін ананы-мынаны сылтауратып тайып тұрады. Алайда қыздар пәтер кілтінің дубликатын жасатып алады. Кейін пәтерге келген жаңа қоныстанушыларды оп -оңай тонап отырған.

Қазіргі таңда қыздардың басқа да қылмысқа қатысының бар-жоқтығы тексерілуде.

jasqazaq.kz