Ресейге алғашқы алтынды 15 жастағы татар қызы алып берді

Бүгін, 23 ақпан күні Пхенчхандағы Олимпиада мәнерлеп сырғанаудан әйелдер арасындағы сайыстар өз мәресіне жетті. Онда 15 жастағы татар қызы Алина Загитова Ресейге алғашқы алтынды алып берді деп хабарлайды NUR.KZ.

Еркін бағдарлама бойынша қорытынды сынға Ресейдің екі спортшысы Алина Загитова мен Евгения Медведева шыққан болатын. Нәтижесінде, Загитова 239.57 (82.92 + 156.65) ұпаймен бас жұлдені жеңіп, Медведева 238.26 (81.61 + 156.65) жинап, шамамен бір ұпайға кем түсіп, екінші орынды еншіледі. Ал үшінші орын Канада спортшысы Кэйтлин Осмондқа 231.02 (78.87 + 152.15) бұйырды.

Мәнерлеп сырғанаудан ійелдер арасында өткен сайысқа Қазақстан спортшылары да қатысып, олардың бірі ғана — Элизабет Тұрсынбаева (177.12) ойында 12-орынға табан тіреді. Ал Айза Мамбекова мәнерлеп сырғанаудың қысқа бағдарламасында-ақ жарыстан шығып қалған.