Рейсті кешіктіргені үшін SCAT әуе компаниясы 3 932 000 теңге айыппұл төлейді

25 сәуiр, 12:31

Биыл 25 ақпанда SCAT әуе компаниясының «Өскемен — Астана» рейсі 8 сағаттан аса уақытқа кешіккен еді. Әйтсе де, компания өкілдері жолаушыларды қонақ үйге орналастырмаған. Тек кешкі сағат онға қарай кезекші прокурордың араласуынан кейін демалуға орын берілген.

Екі ай өткенде Бас көлік прокуратурасының баспасөз қызметі тексеру қорытындысымен SCAT әуе компаниясының әкімшілік жауапкершілікке тартылғанын хабарлады. Әуе компаниясы 1000 АЕК (1 АЕК – 3932 теңге) мөлшерінде айыппұл төлейді.

JQ-Aqparat