Qarakesek лақап атымен танымал әнші сотқа мәжбүрлеп жеткізіледі (Видео)

Бүгін айыпталушы Омар Амантаев сот отырысына уақытын білсе де келмей қалды. 

Ақтөбе қалалық сотында айыпталушы Омар Амантаевқа қатысты сот отырысы басталды. Qarakesek лақап атымен танымал әншіге Қылмыстық кодекстің 296-бабы 3-бөлігі бойынша айып тағылып отыр. Алайда ол бүгін сот отырысына келмеді. Алдымен қорғаушысы арқылы бірнеше минутқа кешігетінін хабарлағанымен, кейін мүлде қатыспайтыны белгілі болды.

— Сот отырысы күні мен уақытын біле тұра келмеді. Кешігіп келе жатқанын айтқан соң үзіліс те жарияланды. Алайда сотқа дәлелін келтірмеді. Қылмыстық-процестік кодекстің 157-бабы негізінде сотталушы Омар Амантаев сот отырысына мәжбүрлеп жеткізілсін. Сот отырысы 19-ақпан сағат 15:30–ға белгіленсін, — деді судья Т. Саликов.

inform.kz