Пышақпен агрессия танытпағанда: Сотталушы Дархан Әскентай төбелеске Қаржаубайды кінәлады

Сурет: Видеодан кадр

Шерзат Болаттың сот отырысында айыпталушылар арасында Дархан Әскентай бірінші болып сөз сөйледі, деп хабарлайды jasqazaq.kz.

Оның айтуынша ешкімге қол көтеріп, қолында пышақ болмаған. Ол сондай -ақ Қаржаубайды жауапкершілікке тартуды сұрады.

«Осы оқиғаға себепкер болған жәбірленуші Қаржаубай Нұрымов бірінші болып Шерзатқа мен туралы жалған ақпарат беріп және балалар келгенде пышақ шығарып агрессия танытпағанда, Шерзат келген балалардың бірін ұрмағанда, төбелес болмаушы еді. Бұл жерде ерегіс бастаған және адамдар тобын құрған, пышақ пен қаруды дайындаған Қаржаубайға маған тағайындалған ҚР ҚК 293- бабы бойынша жаза тағайындауыңызды сұраймын», — деді Д.Әскентай.