Прокурор судьяны елік екен деп атып тастады

Прокуротура қызметкері судьяны аңға шыққанда кездейсоқ атып алған. Бұл туралы 17 қараша күні Башқұртстан Республикасы бойынша Ресей тергеу комитетінің тергеу басқармасында айтты, деп хабарлайды Baq.kz ақпарат агенттігі lenta.ru-ға сілтеме жасап.

Оқыс оқиға 16 қараша күні Мечетлин ауданында болған. Судья екі танысымен орманға барған. Үшеуінің де құс пен елік атуға рұқсаттамалары мен «Сайга» қарулары болған.

Оқиғаның қалай болғаны әлі де болса анық емес. Ер адамның бірі мылтықпен машинадан шыққан, сол кезде мылтықтың атылған дыбысы естілген, кейін олар 41 жастағы судьяның жарақаттанып қалғанын көреді.

«Ер адамды ауруханаға жеткізген. Бірақ ол сонда қаза табады. Абайсызда болған кісі өліміне қатысты қылмыстық іс қозғалды», — деді Ресей тергеу комитетінің аймақтық басқарма өкілі Светлана Абдрамова.