Президент: Вице-Президент лауазымы біздің билік институттарын нығайтады.

Президент Қасым-Жомарт Тоқаев референдумда дауыс бергеннен кейін журналистерге арналған брифинг өтті.

Jibek joly телеарнасының тілшісі Зұлқарнай Ермұрат вице-президент лауазымы туралы сауал қойды.

Мемлекет басшысы оған қысқа да, нұсқа жауап берді:

«Вице-Президент лауазымы туралы әртүрлі әңгіме айтылып жүргенін білемін. Шын мәнінде, бірқатар шет мемлекетте Вице-Президент лауазымы бар. Кейбір сарапшылар «Қазақстанда билік ішінде бәсеке өршіп, түрлі үрдістер жүреді, елге зиян келеді» деген пікір білдіруде. Бұл мәселеде қоғамға зардап келетіндей қорқыныш жоқ. Вице-Президент лауазымы біздің билік институттарын нығайтады. Келешекте бәрі айқын болады. Мемлекет басшысы ретінде бұл лауазымға, жалпы бүкіл реформаға үлкен үміт артып отырмын. Ал Президент сайлауы қазіргі Конституцияға сәйкес 2029 жылы өз мерзімінде өтеді.

JQ-Aqparat

Сурет: aqorda_resmi