Президент: Өз бетімізбен жүреміз деген ұстаным қазір жұмыс істемейді

Президент Қасым-Жомарт Тоқаев Үкіметтің кеңейтілген отырысында Ұлттық банктің жұмысына тоқталып, түйткілді мәселелер бар екенін атап өтті.

Мемлекет басшысы: «Бірінші кезекте адамдарды ұлттық валюта бағамының құбылмалылығы алаңдатады. Сарапшылар Америка долларының нығаюына байланысты теңге бағамына қысым болады деп күтіп отыр. Валюта бағамының тұрақтылығын қамтамасыз ету, жалпы инфляцияны ауыздықтау – аса маңызды жұмыс. Тіпті қазір негізгі жұмыс деп айтуға да болатын шығар, — деді.

Президент осы орайда Ұлттық банкке Үкіметпен тығыз әріптестікте жұмыс жүргізуді тапсырды: «Біз еркін нарықтамыз, өз бетімізбен жүреміз деген ұстаным қазір жұмыс істемейді. Өйткені ахуалдың өзін қалыпты деп айтуға келмейді. Бұл туралы кейінірек айтамын».

JQ-Aqparat
Сурет: aqorda.kz