Президент: Газет-журналдарымыз жасампаз бастамаларды жүзеге асыруға зор үлес қоса береді деп сенемін

Бүгін — Ұлттық басылым күні. Мемлекет басшысы Қасым-Жомарт Тоқаев баспасөз қызметкерлерін құттықтады, деп хабарлайды jasqazaq.kz.  

Aqorda_resmi жариялаған құттықтауда былай делінген:
«Бұл мереке – елімізді өркендету және мемлекеттігімізді нығайту жолында еңбек етіп жүрген баспасөз өкілдеріне деген шынайы құрметтің белгісі.
Қазақ басылымдары әрдайым халықтың үні, төл руханиятымыздың берік қорғаны саналған. Біз оның бай тарихын, ағартушылық дәстүрін мақтан тұтамыз. Газет-журналдарымыз ұлттық сана-сезімді дамыту ісінде айрықша рөл атқарады. Зиялы қауым өкілдері қоғамдағы көкейкесті мәселелерге қатысты ой-пікірін, негізінен, мерзімді баспасөз арқылы білдіреді.
Елімізде түрлі кезеңде жарық көрген басылымдар қашанда ұлт мүддесіне адал қызмет еткен. Аға буынның сара жолын қазіргі кәсіби журналистер лайықты жалғастырып келеді. Олар шынайы ақпарат таратып, жалпыұлттық құндылықтарды кеңінен насихаттауға белсене атсалысып жүр.
Газет-журналдарымыз алдағы уақытта да жасампаз бастамаларды жүзеге асыруға, ұлттың жаңа сапасын қалыптастыруға және ел бірлігін нығайтуға зор үлес қоса береді деп сенемін.
Баршаңызға шығармашылық шабыт, бақ-береке тілеймін!».

JQ-Aqparat

Сурет: aqorda_resmi