Президент: Арандатушылық сипатта ақпарат таратқандарды жауапкершілікке тартуды заңмен бекіту керек

Президент Қасым-Жомарт Тоқаев Үкіметке құқық қорғау органдарымен және қаржы саласын реттеушілермен бірге азаматтардың жеке деректерін қорғауды барынша қамтамасыз етуді тапсырды, деп хабарлайды jasqazaq.kz.

Жаппай цифрландыру мемлекеттің азаматтармен және бизнес өкілдерімен қарым-қатынасын айтарлықтай жеңілдетеді. Сондай-ақ бюрократияны және сыбайлас жемқорлық қатерлерін азайтады.

Мемлекет басшысының атйуынша, таяқтың екі ұшы бар: «Цифрландыру дамыған сайын алаяқтық көбейіп барады. Қоғамдық пікірге теріс ықпал ету, биліктің беделін түсіру және ел ішінде алауыздық тудыру үшін жалған мәлімет таратып, ақпараттық шабуыл жасау белең алуда. Мұндай әрекеттер азаматтардың қауіпсіздігіне және елдегі тұрақтылыққа үлкен қатер төндіреді. Сондықтан интернет-платформаларда арандатушылық сипатта ақпарат таратқаны үшін жауапкершілікке тартуды заңмен бекіту мәселесін ойластыру керек».

JQ-Aqparat
Сурет: aqorda.kz