Президент Әкімшілігі Коммуникациялар бөлімінің меңгерушісі лауазымына Қанат Құлшыманов тағайындалды

Мемлекет басшысының өкімімен Қанат Амангелдіұлы Құлшыманов Қазақстан Республикасы Президенті Әкімшілігі Коммуникациялар бөлімінің меңгерушісі лауазымына тағайындалды.

Қанат Құлшыманов Л.Гумилев атындағы Еуразия ұлттық университетін журналистика мамандығы бойынша тәмамдаған. PhD докторы ғылыми дәрежесі бар.

Еңбек жолын 2007 жылы «Қазақпарат» ақпарат агенттігінің тілшісі болып бастады. Әр жылдары Ақтөбе облысы әкімінің баспасөз хатшысы, еңбек және халықты әлеуметтік қорғау министрлігінің қоғаммен байланыс департаментінің директоры, Жамбыл облысының әкімі аппараты басшысының орынбасары болып жұмыс істеді.

2021 жылғы маусымда «ҚазМұнайГаз» ҰК» АҚ баспасөз қызметінің басшысы болды.

Премьер-Министрі баспасөз қызметінің басшысы (04.2022-02.2023);  Үкіметтің баспасөз қызметінің басшысы (02.2023-03.2024); Президенті Әкімшілігінің коммуникациялар бөлімі меңгерушісінің орынбасары (03.2024-11.03.2025); Президенті Әкімшілігі коммуникациялар бөлімінің меңгерушісі (11.03.2025 бастап)  болды.

JQ-Aqparat

Фото: gov.kz