Премьер-Министр банктер нақты секторды қаржыландыруға белсенді атсалысуы тиіс екенін ескертті

Бүгін Үкімет отырысында Премьер-министр Олжас Бектенов мемлекеттік қаржы институттары мен екінші деңгейлі банктер арасындағы бәсекелестік экономиканың нақты секторының дамуына кедергі келтіретініне тоқталды, деп хабарлайды jasqazaq.kz.

Үкімет басшысы: «Банктер қысқа мерзімді және тәуекелі аз несие бергенді дұрыс көреді. Ал нақты секторға қолжетімді және ұзақ мерзімді қаржы ресурстары қажет. Мемлекеттік даму институттары жобаларға негізінен өздері қаржы бөліп келеді. Бұл банктердің нақты секторға деген қызығушылығын төмендетеді. Экономиканың нақты секторын қаржыландыруда басты рөлді екінші деңгейлі банктер атқаруы тиіс. Мемлекет басшысы Үкіметтің кеңейтілген отырысында дәл осы мәселені баса айтқан болатын», — деді.

JQ-Aqparat
Сурет: Үкіметтің баспасөз қызметі