Перизат Қайрат ісі: Сахнада жылап, жұрттың сенімін арттыру үшін мүгедек балаларды шақырған

Волонтерлік жұмыстың «көлеңкесінде» алаяқтықпен айналысты деген күдікке ілінген Перизат Қайраттың ісіне қатысты тың дерек жарияланды, деп хабарлайды jasqazaq.kz.

ҚМА мәліметінше, биылғы жылдың 23 қаңтарында Перизат Қайратқа қатысты мүгедек-балаларға арналған оңалту орталығын салуға ақша жинау алаяқтығы бойынша сотқа дейінгі жаңадан тергеу тіркелді.

П.Қайрат 2021 жылдың қараша айында Ақмола облысында «Батыр» қоғамдық бірлестігіне оңалту орталығын салу үшін ақша жинау мақсатында қайырымдылық аукционын ұйымдастырған.

Жұрттың сенімін арттыру үшін оңалту орталығына мұқтаж мүгедек-балалар мен олардың ата-аналарын іс-шараға тартқан.
Оның тарапынан таратылған жалған деректер бойынша 48 миллион теңге жиналып, құны 100 миллион теңге ғимарат сыйға тартылған. Алайда аукцион кезінде шын мәнінде 22 миллион теңге түскен, осы ақшаны ол өзінің жеке қажетіне жаратқан.

Сонымен қатар, П.Қайрат «Батыр» қоғамдық бірлестігі үшін құны 30 млн теңге жер телімін сатып алғанын мәлімдеген. Бірақ бұл учаскені 2019 жылы бірлестік өзі сатып алған.
Оңалту орталығының құрылысы әлі басталмаған.

Орталықтың қажеттілігіне берілді деген ғимарат мүлдем жоқ болып шықты.

JQ-Aqparat

Сурет: ҚМА видеосынан кадр