Перуде құрбандыққа шалынған 56 баланың сүйегі табылды (видео)

11 маусым 2018, 11:44

Перуде көне діни ғұрып кезінде құрбандыққа шалынған 56 баланың сүйектері табылды.

Басылым мәліметінше, сүйектер Ла-Либертад аймағының Трухильо провинциясында мамырдың басында табылған. Адам сүйектерінен бөлек мамандар мұнан 30 шақты лама төлдерінің сүйектерін тапқан. Олар да құрбандыққа шалынған. Археологтардың сөзінше, бұл көне зиратқа 600 жыл болған. Табиғат апаттарынан сақтану үшін балаларды пұт құдайлардың құрметіне құрбандыққа шалған. Чиму мәдениеті 1250 және 1470 жылдар аралығында қазіргі Пеудің солтүстігінде дәуірлеген еді. Жойылып кеткенге дейін Чиму патшалығы бірнеше кішірек мәдениеттерді қосып алу арқылы кеңейе берген. Алайда ең соңында оларды инкілер жаулап алған.