Павлодардағы жанармай бекетінде бензиннің орнына ауа сатқан (видео)

NUR.KZ редакциясына павлодарлық тұрғын жанармай құю бекетінде түсірілген видео жіберді. Кадрда бензин жоқ болса да санауыш құралдың айналып тұрғаны көрінеді.

Видео авторының айтуынша, оқиға 1 қараша күні «Гелиос» бекетінде болған.

«Есептеуіш айналып тұр, ал бензин жоқ», — дейді ер адам.

Gelios компания аталмыш жағдайға қатысты жауап берді.

«Клиент келгенге дейін бензин құятын автомат істен шыққан болатын. Біз онымен сөзге келмей, шарттарының бәрін орындадық. Ол өзінің көлігіне 15 литр бензин құйылуы керек болғанын айтты.

Артық шығынын қайтарып бердік», — деп мәлімдеді бекеттің желі басқармасы бөлімінің басшысы Виталий Егоров.