Павлодарда киік атқандар ұсталды

Табиғат қаскөйлері қызыл кітапқа енген бұл жануарлардың мүйізін кесіп алып, саудаламақ болған. Бұл туралы КТК телеарнасы хабарлады.

Браконьерлер түз тағыларын Май және Железинка аудандарында атқан. Өлген жануарлардың денесін далаға тастай салған қаскөйлер олардың мүйіздерін кесіп алып, іздерін суытыпты. Жыл басынан бері өңірде заңсыз аң аулауға қатысты төрт жүзге жуық дерек анықталғанын айта кетейік. Ал онсыз да саны азайып кеткен киіктерді атып, бас пайдасына жаратпақшы болған үш азамат енді бұл әрекеттері үшін заң алдында жауап берулері тиіс.