«Өзі шығар». Қорғаушы Әбенов Қаржаубай Нурымовты жауапқа тартуды талап етті

Шерзат Болаттың өліміне қатысты сот отырысында қорғаушы Жұмат Әбенов Қаржаубай Нұрымов өз баласына пышақ тығып алуы мүмкін деген болжамын айтты, деп хабарлайды jasqazaq.kz.

«Қаржаубайдың қолында ұстап жүрген ас пышағына сараптама жасауға ұсынылмады. Бейнежазбадан қандай ұзын пышақ екенін көрдік. Сараптамаға басқа (десертный) берді. Неге пышақты жоқ қылды? Осы кезде адамның басына ой келеді. Мүмкін Қаржаубайдың қолында жүрген кезде баласымен бір-бірімен итересіп болып, әкесін сүйреп жүрген кезде, абайсызда осы пышақ тиіп кетуі де мүмкін еді. Сараптама жасалынбады, тағайындау қажет еді», — деді қорғаушы.

Сондай-ақ ол Шерзатқа ата-анасы дұрыс тәрбие бермегендіктен осындай текетірес туындаған шығар дейді.

«Қаржаубайды да жауапқа тарту керек. Сол жерде ол, орысша айтқанда, «бойня» жасады», — деді Әбенов.

JQ-Aqparat