Өзбек әніне клип түсірген Жігер Ауыпбаевты жұрт сынап тастады (видео)

“Меломен” тобының экс-әншісі Жігер Ауыпбаев “Алдамадым” әніне түсірген бейнебаянын ұсынды. Клип “Той думан” арнасының YouTube-тегі парақшасында пайда болды, деп жазады Stan.kz.

Осыдан біраз уақыт бұрын жұрт аталған тректің өзбектерден алынғанын байқап, Жігерді “плагиатшыл әнші” деп айыптаған болатын. Өзін сынаған жандарға Жігердің айтары бар.

Жігердің айтуынша, аталған әнді өзбектің танымал әншісі Шахрух хан оған сыйға тартқан.

“Егер де композиторы, орындаушысы рұқсат беріп жатса, ол әнді неге орындамасқа? Өнер ұлтқа бөлінбейді, өнерде шектеу, шекара жоқ”, – деп түсіндірді Жігер.