Өскемен әкімі трактормен қар тазалады (видео)

Өскемен қаласының әкімі Қуат Тумабаев демалыс күндері грейдерге отырып, қар тазалауға кіріскен. Ол өзінің Instagram және Facebooк желісіндегі парақшаларында қар тазалап жүрген видеосын жүктеді деп хабарлайды NUR.KZ.

Видеода қар тазалау техникасын басқарып отырған әкім екені анық көрініп тұр.

«Демалыс күндері қар тазалап жүрмін», — деп жазды Қуат Тумабаев өзінің желідегі парақшасында.

Ал желі қолданушылары болса, оған жақсы пікірлерін жазып, мақтау сөздерін аямады. Олардың айтуынша, шенеунік осы әрекеті арқылы елге үлгі көрсетуде.

Жағымды пікір жазғандар саны аз емес. Алайда әкімнің мұндай техниканы тізгіндеуге рұқсат беретін қағазы бар-жоғын білгісі келетіндер де болды.