Оралдағы жеке үйлердің бірінен 3 адамның мәйіті табылды

Екі әйел мен 6 жастағы баланың денесі Зачагандағы Южная көшесінде орналасқан үйлердің бірінен табылған, деп хабарлайды Baq.kz ақпарат агенттігі «Мой городқа» сілтеме жасап.

БҚО ТЖД баспасөз қызметінің хабарлауынша, өрт туралы хабарлама сағат 6:45-те түскен.

«Өрт сөндірушілер оқиға орнына келген кезде жеке үйдегі жиһаздар мен заттар өртеніп жатқан. Оқиға орнында үш адамның денесі табылды. 1994 жылғы әйел, 2011 жылғы бала, үшінші адамның кім екені анықталып жатыр», — деді баспасөз қызметінде.

Өрттің жалпы аумағы — 10 шаршы метр. Өрт сөндіру үшін 3 өрт сөндіру техникасы мен жеке құрамның 12 адамы жұмылдырылды.

Өрттің неден шыққаны анықталып жатыр. Оқиға орнында БҚО ІІД жедел-іздестіру тобы жұмыс істеп жатыр.