Олжас Бектенов АӨК-ті мемлекеттік қолдау құралдарын мақсатсыз пайдалануға жол бермеуді тапсырды

Премьер-министр Олжас Бектеновтің төрағалығымен өткен Үкімет отырысында көктемгі егіс жұмыстарының барысы және АӨК-ті мемлекеттік қолдау шаралары қаралды, деп хабарлайды jasqazaq.kz.

Олжас Бектенов: «Мемлекет басшысының тапсырмасы бойынша биыл мемлекеттік қолдау көлемі едәуір ұлғайды. Көктемгі егіс және егін жинау жұмыстарын жүргізуге 700 млрд теңге, жеңілдетілген лизинг бағдарламаларына 200 млрд теңге бөлінді.
Бұл ретте қаржыландыру тек қана тиімді әрі адал өндірушілерге берілуі тиіс»,
— деп атап өтті Олжас Бектенов.
Премьер-министр әкімдіктерге бюджет қаражатының мақсатты және ұтымды пайдаға асуына тұрақты негізде мониторинг жүргізуді тапсырды.

JQ-Aqparat
Сурет: Үкіметтің баспасөз қызметі