Нұржан Керменбаев пен Мақпал Исабекова ерекше бейнебаян түсірді (видео)

Нұржан Керменбаев пен Мақпал Исабекова тыңдармандар армиясын қуантты. Қос талант иесі “Айта бермеші” атты әнге әсем бейнебаян түсіріп, жұртты тәнті етті, деп жазады Stan.kz.

Аталған әнбаян “Зор” атты отандық фильмнің басты саундтрегі болып табылады. Айта кетейік, кинокартинада BN тобының өнерпаздары басты рөлді сомдайды.

Табиғат ананың көрікті жерлерін паш ететін бейнебаян да, заманауи стильдегі ән де тыңдарман көңілінен шықты. Көпшілік Нұржан мен Мақпалдың дуэті сәтті шыққан деп жаңа туындыны оңды бағалады.

“Соңғы кездері әндеріңіз де, клиптеріңіз де мықты Мақпал”, “Ән супер”, “Жарайсыздар”, “Шығармашылығыңыз шыңдала берсін”, – деп ақ тілектерін жеткізді тыңдармандар.