Нұрымбет Сақтағанов Шығыс Қазақстан облысының әкімі болып тағайындалды

Мемлекет басшысының Жарлығымен Нұрымбет Аманұлы Сақтағанов Шығыс Қазақстан облысының әкімі лауазымына тағайындалды, хабарлайды jasqazaq.kz. Ақорданың баспасөз қызметіне сілтеме жасап.
Нұрымбет Сақтағанов 1970 жылы Түркістан облысында дүниеге келген.
Қорқыт Ата атындағы Қызылорда мемлекеттік университетін, Мәскеу мемлекеттік экономика, статистика және информатика университетін, С. Аманжолов атындағы Шығыс Қазақстан мемлекеттік университетін бітірген.
Еңбек жолын 1992 жылы Қызылорда облысының Сырдария ауданындағы № 172 орта мектепте оқытушы ретінде бастаған.
Әр жылдары мемлекеттік қызмет, соның ішінде кеден органдарында жауапты басшылық қызметтерде болған.
2023 жылдың 8 қыркүйегінен ШҚО әкімінің бірінші орынбасары қызметін атқарды.

JQ-Aqparat

Фото: Kazinform