«Нұрлы жер»: Қарағандыда 3 мыңнан астам жаңа пәтер

Қарағанды облысында кезекте тұрғандарға арнап 1605 пәтер салынып жатыр. Бұл туралы Қарағанды облысының әкімі Ерлан Қошанов Орталық коммуникациялар қызметінде өткен баспасөз-мәслиxатында мәлімдеді.

Қарағанды облысында жыл басынан бері 2865 отбасының тұрғын үй жағдайы жақсартылды. Ол жайында облыс әкімі Ерлан Қошанов айтты.

«Нұрлы жер» бағдарламасы бойынша облыста биылғы жылы 340 мың шаршы метр тұрғын үй пайдалануға беріледі, яғни 3 мыңнан астам пәтер. Олардың жартысынан астамы, дәлірек айтар болсақ 1605-і кезекте тұрғандарға арналған», — деді Е. Қошанов.

Ауылдық жерлерде 63,5 мың шаршы метр тұрғын үй салынуда.Соңғы үш жылда аймақта барлық қаражат көздерінің есебінен 993 мың шаршы метр тұрғын үй, яғни 8 300 пәтер салынған. Тұрғын үй құрылысына 108,7 млрд теңге инвестиция құйылды.

«Шамамен 800 үйдің жеке құрылысы үшін инфрақұрылым жасау басталды. Жеке тұрғын үй құрылысына бір жарым мың учаскеге арналған тағы да 10 алаң жобалау кезеңінен өтіп жатыр», — деді облыс әкімі.