Никита мен Линденнің жылдық табысы – 328 миллион теңге

01 ақпан 2023, 17:00

Ресейлік «Спорт-Экпресс» сайты қазақстандық «Барыс» хоккей клубының ойыншылары жылына қанша жалақы алатынын жариялады. Ең көп айлықты Никита Михайлис пен Линден Вей алады. Олардың жылдың еңбек ақысы 328 миллион теңге. Айына орта есеппен 27 300 000 теңге жалақы төленген бұл екі ойыншыға. Бір айда Алматы қаласынан екі бөлмелі пәтердің ақысына пара-пар жалақы алған.

«Барыс» сапында ойнайтын қорғаушылар Самат Даниярдың жылдық табысы 32 800 000 теңге. Әділ Бекетаевтың бір жылдық еңбекақысы 26 240 000 теңгеге жетіп жығылады.

Ай сайын 27 миллион теңге жалақы алатын Никита Михайлис Қарағандының тумасы. Ал Линден Вей канадалық легионер. Астаналық «Барыс» сапында бұған дейін де ойнаған. «Барыстың» Михайлис пен Вейден өзге де шабуылшылары қомақты жалақымен жан бағады. Мысалы Вейдің жерлесі Майкл Шапю жылына 170 миллион теңге жалақы алады. Америкалық Энтони Луис тің де табатын жылдық еңбекақысы Шапюге жетеқабыл.

Құрлықтық хоккей лигасының турнир кестесінде «Барыс» көш соңынан көтерілген емес.

JQ-Aqparat