Некесіз босанып, тұрмысқа шығуға ұсыныс жасалмады: Аида Кауменова жеке өміріндегі сырын ақтарды

Дизайнер Аида Кауменова журналист Жанар Байсемізге сұхбат беріп, жеке өміріне қатысты сауалдарға жауап берді, деп хабарлайды jasqazaq.kz.

«Мен ол кезде 27 жаста едім. Италияда оқып жүрдім. Баланың әкесіне тұрмысқа шыққан жоқпын. Былайша айтқанда, некесіз тудым. Қиын заман болды мен үшін, ата-анам үшін. Содан баламды қалдыруға шешім қабылдадым. Елге келгеннен кейін әке-шешем білді. Бірақ ешкім ұрысқан жоқ, қолдау білдірді. Өзімізді кешіруге де күш керек.
Мүмкін сол кезде күйеуге шықсам, мен Аида Кауменова деген атақты дизайнер болмай кететін едім. Баланың әкесі маған тұрмысқа шығуға ұсыныс жасаған жоқ. Басы бос болды. Мен одан кейін екі рет тұрмысқа шықтым», — деді Кауменова.