Моңғолия премьер-министрі Айшолпанмен кездесті

Қыран бүркіт баптап, қырдың қызыл түлкісін аулап, әлемге танымал болған моңғолиялық қандасымыз Айшолпан Нұрғайыпқызын Моңғолия прьемері Ухнаагийн Хурэлсух (Khurelsukh Ukhnaa) мырза қабылдады, деп хабарлайды ҚазАқпарат.

АҚШ киногерлерінің «Бүркітші қыз» фильмі арқылы әлемге танымал болған Айшолпан қарындасымыз Моңғолия премьерімен болған кездесуге қазақтың ұлттық киімін киіп барған. Аталған елдің премьері Facebook әлеуметтік желісіндегі жазбасында Айшолпан бас кейіпкер ретінде түсірілген фильм Моңғол елін әлемге танытқанын жазды.

«Әлем бақытты бүркітші қызды қолдап, оны құттықтады. Бүркітпен аң аулау — жас қыз үшін ғана емес, тіпті ер адамдар үшін де қиындық тудырады. Ол әлемнің документалды дубляжына түсіп, «ASIA CURRICULUM FOREIGNER» құрметіне ие болды. Бұл фильм Моңғолияны әлемге паш етті», — деп мәлімдеді ел премьері өз жазбасында.